عمران خان کی نااہلی کا فیصلہ فوری معطل کرنے کی استدعا مسترد

چیف جسٹس اسلام آباد ہائی کورٹ کا کہنا ہے کہ الیکشن کمیشن کا فیصلہ عمران خان کو نئے الیکشن لڑنے سے نہیں روکتا۔

اسلام آباد ہائی کورٹ میں الیکشن کمیشن کی جانب سے نااہلی کے خلاف چیئرمین تحریک انصاف عمران خان کی درخواست پر سماعت ہوئی۔

چیف جسٹس اطہرمن اللہ نے ریمارکس دیئے کہ عمران خان جس سیٹ پر تھے صرف اُس سے نااہل ہوئے ہیں، فیصلہ عمران خان کو نئے الیکشن لڑنے سے نہیں روکتا، عمران خان کُرم کے ضمنی الیکشن کیلئے بھی نااہل نہیں۔

عمران خان کے وکیل بیرسٹر علی ظفر نے عدالت سے استدعا کرتے ہوئے مؤقف پیش کیا کہ الیکشن کمیشن کا فیصلہ بدنما دھبہ ہے،مختصر فیصلہ معطل کریں۔

چیف جسٹس نے عمران خان کے وکیل سے استفسار کیا کہ کیا آپ کے پاس مختصر فیصلے کی تصدیق شدہ کاپی موجود ہے۔ جس پر وکیل علی ظفر نے کہا کہ الیکشن کمیشن مختصر فیصلے کی تصدیق شدہ کاپی بھی نہیں دے رہا۔

اپنا تبصرہ بھیجیں