. ڈی آئی خان میں دہشت گردوں کی فائرنگ سے سی ٹی ڈی اہلکار ہلاک، سپاہی زخمی - Today Pakistan
Home / بلوچستان / ڈی آئی خان میں دہشت گردوں کی فائرنگ سے سی ٹی ڈی اہلکار ہلاک، سپاہی زخمی

ڈی آئی خان میں دہشت گردوں کی فائرنگ سے سی ٹی ڈی اہلکار ہلاک، سپاہی زخمی

ڈیرہ اسماعیل خان: دہشت گردوں کی فائرنگ سے سی ٹی ڈی افسر ہلاک اور سپاہی زخمی ہوگیا جب کہ دہشت گرد فرار ہونے میں کامیاب ہوگئے۔ ڈی پی او کے مطابق ڈیرہ اسماعیل خان میں حساس اداروں اور سی ٹی ڈی نے رمک گاؤں میں دہشت گردوں کی موجودگی کی خفیہ اطلاع پر مشترکہ آپریشن کیا اس دوران دہشت گردوں نے فائرنگ کردی جس کے نتیجے میں سی ٹی ڈی حوالدار شہید اور سپاہی جہانگیر زخمی ہوگیا جس کو طبی امداد کے لیے اسپتال منتقل کردیا گیا ہے۔ڈی پی او کا کہنا ہے کہ دہشت گردوں نے بھاری اسلحہ کا استعمال کیا اور دستی بم بھی پھینکے تاہم پولیس مقابلے کے دوران دہشت گرد فرار ہونے میں کامیاب ہوگئے جن کی تلاش کے لیے چھاپے مارے جارہے ہیں۔ڈی پی او کے مطابق آپریشن کالعدم تنظیم ٹی ٹی پی پروا( بالی گروپ) کے دو شدت پسند کارکن اور سگے بھائیوں نثار معاویہ اور ابرار معاویہ کی موجودگی پر کیاگیا، دونوں بھائی چہلم امام حسین کے جلوس میں بڑی دہشت گردی کی کارروائی کے لئے منصوبہ بندی کر رہے تھے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے