. اداکارہ تنوشری دتا کو ’می ٹو‘ پر ہارورڈ اسکول میں خطاب کی دعوت - Today Pakistan
Home / شوبز / اداکارہ تنوشری دتا کو ’می ٹو‘ پر ہارورڈ اسکول میں خطاب کی دعوت

اداکارہ تنوشری دتا کو ’می ٹو‘ پر ہارورڈ اسکول میں خطاب کی دعوت

بالی ووڈ میں خواتین کو جنسی ہراساں کرنے کےخلاف ”می ٹو“مہم تنوشری نے شروع کی تھی
ممبئی(شوبز ڈیسک) بالی ووڈ میں جنسی ہراسانی کےخلاف ”می ٹو“ مہم کا آغاز کرنے والی اداکارہ تنوشری دتا کو ہارورڈ بزنس اسکول میں خطاب کی دعوت دی گئی ہے۔تفصیلات کے مطابق گزشتہ سال بالی ووڈ میں خواتین کو جنسی ہراساں کرنے کےخلاف ”می ٹو“مہم زوروں پر رہی اور یہ مہم شروع کرنے والی بالی ووڈ اداکارہ تنوشری دتا تھیں جنہوں نے ماضی میں ایک گانے کی شوٹنگ کے دوران اپنے ساتھ پیش آنے والے جنسی ہراسانی کے واقعہ کےخلاف آواز اٹھائی بعد ازاں ان کی یہ آواز تحریک میں بدل گئی جس کے تحت متعدد خواتین سامنے آئیں اور اپنے ساتھ ہوئے واقعات سے پردہ اٹھایا۔تنوشری دتا کچھ عرصہ قبل نیویارک منتقل ہوچکی ہیں اور اب انہوں نے سوشل میڈیا پر شیئر کی جانے والی پوسٹ کے ذریعے اطلاع دی کہ انہیں امریکا کے معروف ہارورڈ بزنس اسکول میں خطاب کی دعوت دی گئی ہے۔ تنوشری دتا کو امریکی ریاست میساچیوسٹس میں قائم ہارورڈ بزنس اسکول میں 16 فروری کو منعقد ہونے والی فلیگ شپ انڈیا کانفرنس میں خطاب کےلئے مدعو کیاگیا ہے جس کا انعقاد ہارورڈ بزنس اسکول اور ہارورڈ کینیڈی اسکول کے طلبا نے کیا۔واضح رہے کہ تنوشری دتا نے نامور بالی ووڈ اداکار ناناپاٹیکر پر الزام لگاتے ہوئے کہا تھا کہ فلم”ہارن اوکے“کے گانے کی شوٹنگ کے دوران نانا پاٹیکر نے انہیں جنسی طور پر ہراساں کیا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے