. اپوزیشن کو عوام کے مسائل سے کوئی سروکارنہیں صرف نیب کی فکر ہے‘فواد چوہدری - Today Pakistan
Home / پاکستان / اپوزیشن کو عوام کے مسائل سے کوئی سروکارنہیں صرف نیب کی فکر ہے‘فواد چوہدری

اپوزیشن کو عوام کے مسائل سے کوئی سروکارنہیں صرف نیب کی فکر ہے‘فواد چوہدری

لاہور(مانےٹرنگ ڈیسک)وفاقی وزیر اطلاعات و نشریات فواد چوہدری نے کہا ہے کہ حزب اختلاف پارلیمنٹ میں صرف نیب کی بات کرتی ہے جبکہ اسے عوام کو درپیش مسائل سے کوئی سروکار نہیں ،پارلیمنٹ اور موجودہ حکومت کے رہنماﺅں کااحترام ہرقیمت پربرقراررہناچاہیے۔نجی ٹی وی کو انٹر ویو میں انہوں نے کہا کہ حزب اختلاف کے بعض ارکان بدعنوانی کے مقدمات میں ملوث ہیں جو موجودہ حکومت سے این آراوچاہتے ہیں۔حزب اختلاف نے پارلیمنٹ میں ہمیشہ قومی احتساب بیورو کے بارے میں بات کی مگرانہوں نے کراچی میں پانی کے مسئلے، بےروزگاری اور عوام کو درپیش دیگرمسائل کے بارے میں بات چیت کی ہرگزپروانہیں کی۔انہوںنے اٹھارہویں ترمیم کے بارے میں سوال کے جواب میں کہا کہ قوانین پرنظرثانی کی ضرورت ہے۔ایک اور سوال کے جواب میں انہوں نے کہا کہ تحریک انصاف کی حکومت نظام میں تبدیلی کی خواہاں ہے جہاں امیروں اورغریبوں کے لئے انصاف کی یکساں فراہمی کو یقینی بنایاجاسکے اور حکومت اس جانب پیشرفت کر رہی ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے