پاکستان نے نیوزی لینڈ کو شکست دیکر سہہ ملکی سیریز جیت لی

نیوزی لینڈ میں ہونے والی سہہ ملکی سیزیر میں پاکستان نے مہمان ٹیم کیویز کو شکست دیکر ٹرافی اپنے نام کرلی۔

پاکستان نے فائنل میں نیوزی لینڈ کو شکست دی۔ کرائسٹ چرچ میں آج بروز جمعہ 14 اکتوبر کو کھیلے گئے میچ میں پاکستان کے کپتان بابر اعظم نے ٹاس جیت کر نیوزی لینڈ کو پہلے بیٹنگ کی دعوت دی۔ نیوزی لینڈ نے مقررہ 20 اوورز میں7 وکٹوں کے نقصان پر 163 رنز بنائے۔

کیوی کپتان کین ولیم سن 59 رنز بنا کر نمایاں رہے۔ گلین فلپ 29، مارک چیپ مین 25، جیمز نیشم 17 رنز بنا کر آؤٹ ہوئے۔ ڈیون کانوے 14، فن ایلن 12، اش سودھی 2 رنز بنا کر پویلین لوٹے۔

پاکستان کی جانب سے حارث رؤف اور نسیم شاہ نے 2 کھلاڑیوں کو آؤٹ کیا۔ شاداب خان اور محمدنواز نے 1،1 وکٹ حاصل کی۔ نیوزی لینڈ کے 164 رنز کے ہدف کے تعاقب میں پاکستان نے پر اعتماد آغاز کیا، قومی کپتان بابر اعظم 15 رنز بناکر کیوی بولر بریس ویل کی گیند پر کیچ آؤٹ ہوگئے، پاکستان کی دوسری وکٹ 11 اوورز میں گری جب شان مسعود کو بریس ویل نے صرف 19 رنز پر پویلین بھیج دیا۔

جس کے بعد محمد رضوان 29 گیندوں پر 34 رنز بناکر سودھی کی گیند پر آؤٹ ہوگئے۔ حیدر علی نے ٹیم کو کچھ سہارا دیا۔ جارحانہ بیٹنگ کرتے ہوئے 15 گیندوں پر 31 رنز بنائے اور ٹم ساؤتھی کی گیند کا شکا بنے، ان کی اننگز میں 2 چھکے اور تین چوکے شامل تھے۔ آصف علی صرف ایک رنز بنا کر ہی پویلین واپس لوٹ گئے۔

واضح رہے رواں سہ ملکی سیریز میں فائنل سے قبل پاکستان اور نیوزی لینڈ 2 بار آپس میں مدمقابل آئے، پہلے میچ میں گرین شرٹس کو کامیابی ملی تو دوسرے میچ میں کیویز نے اپنی ہار کا بدلہ لیا۔

اپنا تبصرہ بھیجیں