لز ٹرس، ملکہ الزبتھ کے عہد کی سولہویں برطانوی وزیر اعظم

برطانوی ملکہ الزبتھ ثانی نے ٹوری پارٹی کی نئی سربراہ لز ٹرس کو منگل چھ ستمبر کے روز نئی ملکی وزیر اعظم نامزد کر دیا۔ وہ ایسی سولہویں برطانوی رہنما ہیں، جنہیں ملکہ نے اپنی تاج پوشی کے بعد سے وزیر اعظم نامزد کیا ہے۔

لز ٹرس کو پیر پانچ ستمبر کی شام ٹوری پارٹی کے ارکان کی اکثریت نے نیا پارٹی لیڈر منتخب کر لیا تھا۔ اس کے بعد منگل چھ ستمبر کے روز بورس جانسن نے سکاٹ لینڈ میں ملکہ الزبتھ کے ساتھ ایک ملاقات میں انہیں اپنا استعفیٰ پیش کر دیا۔

اس کے بعد ملکہ کی اگلی ملاقات لز ٹرس سے ہوئی، جس میں الزبتھ ثانی نے لز ٹرس کو نئی حکومتی سربراہ نامزد کرتے ہوئے انہیں حکومت سازی کے لیے کہہ دیا۔

لندن میں بکنگھم پیلس کے جاری کردہ ایک بیان کے مطابق منگل کے روز پہلے جانسن اور پھر ٹرس کی ملکہ الزبتھ سے ملاقاتیں سکاٹ لینڈ میں ان کی بالمورل کاسل کہلانے والی رہائش گاہ میں ہوئیں۔

Königin Elizabeth II und Liz Truss
لز ٹرس سکاٹ لینڈ میں بالمورل کاسل میں ملکہ الزبتھ سے ملاقات کرتے ہوئےتصویر: Jane Barlow/ ASSOCIATED PRESS/picture alliance

آج تک کی تیسری خاتون وزیر اعظم

لز ٹرس آج تک برطانیہ کی وزیر اعظم بننے والی تیسری خاتون سیاست دان ہیں۔ ان سے پہلے اس منصب پر مارگریٹ تھیچر اور پھر ٹیریسا مے فائز رہ چکی ہیں۔

لز ٹرس کی لندن میں ملکی  حکومت کی نئی سربراہ کے طور پر نامزدگی کی خاص بات یہ ہے کہ وہ ملکہ الزبتھ کی تخت نشینی کے بعد سے آج تک کے تقریباﹰ سات عشروں میں ان کی طرف سے برطانوی وزیر اعظم نامزد کی گئی 16 ویں سیاست دان ہیں۔

اس سے قبل تاج برطانیہ کی مالک اور برطانوی سربراہ مملکت کے طور پر ملکہ الزبتھ 1952 میں اپنی تخت نشینی سے لے کر آج تک کی سات دہائیوں میں لندن کی دس ڈاؤننگ سٹریٹ میں پندرہ وزرائے اعظم کو آتے اور پھر جاتے ہوئے دیکھ چکی ہیں۔

Großbritannien London | Porträt | Margaret Thatcher
Großbritannien London | Theresa May hält letzte Rede als Premierminsterin in Downing Street

ملکہ الزبتھ کے نامزد کردہ سولہ برطانوی وزرائے اعظم

ملکہ الزبتھ کی تاج پوشی کے بعد سے آج تک لز ٹرس سے پہلے مندرجہ ذیل پندرہ سیاسی رہنما برطانیہ کے وزیر اعظم رہ چکے ہیں:

1۔   ونسٹن چرچل، ٹوری پارٹی، 1951 سے 1955 تک

2۔   انتھونی ایڈن، ٹوری پارٹی، 1955 سے 1957 تک

3۔   ہیرالڈ میکملن، ٹوری پارٹی، 1957 سے 1963 تک

4۔   آلیک ڈگلس ہوم، ٹوری پارٹی، 1963 سے 1964 تک

5۔   ہیرولڈ ولسن، لیبر پارٹی، 1964 سے 1970 تک

6۔   ایڈورڈ ہیتھ، ٹوری پارٹی، 1970 سے 1974 تک

7۔   ہیرولڈ ولسن، لیبر پارٹی، 1974 سے 1976 تک

8۔   جیمز کیلیہان، لیبر پارٹی، 1976 سے 1979 تک

اپنا تبصرہ بھیجیں